ಕರ್ನಾಟಕ ವಿಧಾನಸಭೆ ಚುನಾವಣೆ ಇನ್ನು ಕೆಲವೇ ತಿಂಗಳಲ್ಲಿ ನಡೆಯಲಿದೆ.ಮತದಾನ ಪ್ರತಿಯೊಬ್ಬ ಭಾರತೀಯನ ಹಕ್ಕು ಎಂಬುದು ಗೊತ್ತಿದ್ದರೂ,18 ವರ್ಷ ಮೀರಿದ ಪ್ರತಿಯೊಬ್ಬ ಭಾರತೀಯರೂ ಹೊಂದಿರಲೇಬೇಕಾದ ಮತದಾರರ ಗುರುತಿನ ಚೀಟಿ(Voter Id)ಯೇ ಇಲ್ಲದೆ ಹಲವರು ಮತ ಚಲಾಯಿಸುವಿದಿಲ್ಲ.

ಇನ್ನು ವೋಟರ್ ಐಡಿ ಇದ್ದರೂ ಕೂಡ ಅದರಲ್ಲಿನ ಕೆಲವು ದೋಷಗಳಿಂದ ಮತಚಲಾಯಿಸಲು ಆಗುವುದಿಲ್ಲ.ಹೌದು ವೋಟರ್ ಐಡಿ ಕಾರ್ಡ್ ಕೇವಲ ಮತ ಚಲಾವಣೆಗೆ ಮಾತ್ರವಲ್ಲದೆ ಗುರುತಿನ ಚೀಟಿಯಾಗಿ ಹಲವು ಕೆಲಸಗಳಿಗೆ ಬಳಕೆಯಾಗುತ್ತದೆ.

ಆದರೆ,ಹಲವರ ಬಳಿ ವೋಟರ್ ಐಡಿ ಇದ್ದರೂ ಕೂಡ ಕೆಲವೊಂದು ತಪ್ಪುಗಳಿಂದ ಹಲವು ತೊಂದರೆಗೆ ಕಾರಣವಾಗುತ್ತದೆ.ಹಾಗಾಗಿ,ವೋಟರ್ ಐಡಿಯಲ್ಲಿ ಯಾವುದೇ ದೋಷವಿಲ್ಲದಂತೆ ನೋಡಿಕೊಳ್ಳುವುದು ನಿಮ್ಮ ಕರ್ತವ್ಯ.ಇನ್ನು ವೋಟರ್ ಐಡಿ ಕಾರ್ಡ್ ದೋಷಗಳನ್ನು ಹೊಂದಿದ್ದರೆ ಅದಕ್ಕಾಗಿ ನೀವೇನು ಸರ್ಕಾರಿ ಕಚೇರಿಗೆ ತೆರಳಬೇಕಿಲ್ಲ.

ಏಕೆಂದರೆ ವೋಟರ್ ಅಂತಹ ತಪ್ಪುಗಳನ್ನು ನಾವು ಆನ್‌ಲೈನ್‌ ಮೂಲಕವೇ ಸರಿಪಡಿಸಿಕೊಳ್ಳಬಹುದು ಹಾಗಾದರೆ ಆನ್‌ಲೈನ್‌ನಲ್ಲಿ ವೋಟರ್ ಕಾರ್ಡ್ ತಪ್ಪುಗಳನ್ನು ಸರಿಪಡಿಸಿಕೊಳ್ಳುವುದು ಹೇಗೆ ಎಂಬುದನ್ನು ಇಂದಿನ ಲೇಖನದಲ್ಲಿ ತಿಳಿಯಿರಿ.

ಆನ್‌ಲೈನ್‌ನಲ್ಲಿ ವೋಟರ್ ಕಾರ್ಡ್ ತಪ್ಪುಗಳನ್ನು ಸರಿಪಡಿಸಿಕೊಳ್ಳಲು ಮೊದಲು National voters service ಪೋರ್ಟಲ್‌ಗೆ ಭೇಟಿ ನೀಡಿ.ಇಲ್ಲಿ ನಿಮ್ಮ ವೋಟರ್ ಐಡಿಯಮಾಹಿತಿ ನೀಡಿ ಕೆಲವೇ ಸಮಯದಲ್ಲಿ ವೋಟರ್ ಐಡಿಯನ್ನು ಸರಿಪಡಿಸಿಕೊಳ್ಳಬಹುದು.www.nvsp.in ಈ ಲಿಂಕ್ ಮೂಲಕ ವೆಬ್‌ಸೈಟ್‌ ತೆರೆಯಿರಿ

www.nvsp.in ವಬ್‌ಸೈಟ್ ತೆರೆದ ನಂತರ ಅಲ್ಲಿ ಕಾಣಿಸುವ Correction of entries in electrol roll ಆಪ್ಶನ್ ಅನ್ನು ಆಯ್ದುಕೊಳ್ಳಿ

Correction of entries in electrol roll ಆಪ್ಶನ್ ಅನ್ನು ಆಯ್ದುಕೊಂಡ ನಂತರ ಹೊಸ ಪೇಜ್ ಓಪನ್ ಆಗುತ್ತದೆ..ಅಲ್ಲಿ ಭಾಷೆಯನ್ನು English ಗೆ ಬದಲಾಯಿಸಿಕೊಳ್ಳಿ


ಭಾಷೆಯನ್ನು English ಗೆ ಬದಲಾಯಿಸಿಕೊಂಡ ನಂತರ Form 8 ಅಪ್ಲಿಕೇಷನ್ ತೆರೆಯುತ್ತದೆ ಅಲ್ಲಿ ರಾಜ್ಯವನ್ನು ಕರ್ನಾಟಕ ಎಂದು ಕೊಡಿ. ನಂತರ ನಿಮ್ಮ ವಿಧಾನ ಸಭಾ ಕ್ಷೇತ್ರವನ್ನು ಸೆಲೆಕ್ಟ್ ಮಾಡಿ.!!

ವಿಧಾನ ಸಭಾ ಕ್ಷೇತ್ರವನ್ನು ಸೆಲೆಕ್ಟ್ ಮಾಡಿದ ನಂತರ ನಿಮ್ಮ ಸ್ವ ವಿವರ ವನ್ನು ಕೇಳುತ್ತದೆ ಅಲ್ಲಿ ನಿಮ್ಮ ವಿವರವನ್ನು ಕೊಡಿ.. ನಿಮ್ಮ ಹೆಸರು. ಇಲೆಕ್ಷನ್ ಐಡಿ ನಂಬರ್ ಎಲ್ಲವನ್ನು ನಮೂದಿಸಿ.!!

ನಿಮ್ಮ ಹೆಸರು. ಇಲೆಕ್ಷನ್ ಐಡಿ ನಂಬರ್ ಎಲ್ಲವನ್ನು ನಮೂದಿಸಿದ ನಂತರ ವೋಟರ್ ಕಾರ್ಡ್‌ನಲ್ಲಿ ತಪ್ಪಾಗಿ ಬದಲಾವಣೆ ಮಾಡಬೇಕಿರುವ ವಿಷಯಗಳನ್ನು ಆಯ್ಕೆ ಮಾಡಿ.

ಉದಾಹರಣೆಗೆ ಅಡ್ರೆಸ್ ಬದಲಾಯಿಸಬೇಕಿದ್ದರೆ ಈ ಕೆಳಗೆ ಕೊಟ್ಟಿರುವ ಚಿತ್ರದಲ್ಲಿ ತೋರಿರುವಂತೆ ಮಾಡಿ. ಹೆಸರು, ವಯಸ್ಸು ಬದಲಾಯಿಸುವುದಿದ್ದರೆ ಅವುಗಳ ಮೇಲೆ ಕ್ಲಿಕ್ ಮಾಡಿ ಇತ್ಯಾದಿ.

ಮತ್ತೊಮ್ಮೆ ಅಲ್ಲಿ ನಿಮ್ಮ ಸ್ವ ವಿವರಗಳನ್ನು ನಮೂದಿಸಿ.. ನಿಮ್ಮ ಮೊಬೈಲ್ ನಂಬರ್ ಮತ್ತು ಈ ಮೇಲ್ ವಿಳಾಸವನ್ನು ಕೊಡಿ..ಅಗತ್ಯ ದಾಖಲೆಗಳನ್ನು ಅಪ್ಲೋಡ್ ಮಾಡಿ ಆನಂತರ Submit button ಅನ್ನು ಕ್ಲಿಕ್ ಮಾಡಿ.

ನಿಮ್ಮ ಮೇಲ್ ಐ ಡಿ ಗೆ ನಿಮ್ಮ ವೋಟರ್ ಐ ಡಿ ಇನ್ಫಾರ್ಮೇಶನ್ ಬದಾಲಾಗಿರುವುದು ಕನ್ಫರ್ಮೇಷನ್ ಮೇಲ್ ಬರುತ್ತದೆ. ಹೀಗೆ ನಿಮ್ಮ ವೋಟರ್ ಐಡಿಯಲ್ಲಿ ಏನಾದರೂ ತಪ್ಪಿದ್ದರೇ 2 ನಿಮಿಷದಲ್ಲಿ ಆನ್‌ಲೈನ್ ಮೂಲಕ ಸರಿಪಡಿಸಿಕೊಳ್ಳಿ.!!

 

ಕೃಪೆ : GIZBOT

1 COMMENT

LEAVE A REPLY

Please enter your comment!
Please enter your name here