ಕೊಬ್ಬರಿ ಎಣ್ಣೆಯ ಬಳಕೆ ಕೂದಲ ಸೌಂದರ್ಯದೊಂದಿಗೆ ಚರ್ಮದ ಸುಕೋಮಲತೆಯನ್ನು ಹೆಚ್ಚಿಸುತ್ತದೆ. ಹೌದು,ಕೊಬ್ಬರಿ ಎಣ್ಣೆ ಶಕ್ತಿ ಮತ್ತು ಪೌಷ್ಟಿಕಾಂಶಗಳಿಂದ ಕೂಡಿದೆ. ಬೇರೆ ಆಹಾರದಲ್ಲಿನ ಕೊಬ್ಬಿನ ಅಂಶಗಳನ್ನು ಸುಲಭವಾಗಿ ಹೀರಿಕೊಳ್ಳುತ್ತದೆ.ಇದರಲ್ಲಿ 40% ರಷ್ಟು ಲಾರಿಕ್ ಆಸಿಡ್ ಇದ್ದು, ಚರ್ಮವನ್ನು ಹೆಚ್ಚು ಕೋಮಲವಾಗಿಸುವ ಗುಣ ಇದಕ್ಕಿದೆ. ಕೂದಲಿನ ಬೆಳವಣಿಗೆ ಹೊಟ್ಟು ನಿವಾರಣೆ ಎಲ್ಲದಕ್ಕೂ ಕೊಬ್ಬರಿ ಎಣ್ಣೆ ಲಾಜವಾಬ್!

ಬೊಜ್ಜು ಕರಗಿಸಬೇಕೆ..?
ಹಾಗಿದ್ದರೆ ನಿಮ್ಮ ಅಡುಗೆಮನೆಗೆ ಕೊಬ್ಬರಿ ಎಣ್ಣೆ ತಂದು ಇಡಿ.ದೇಹದಲ್ಲಿ ಶಕ್ತಿ ಹೆಚ್ಚಿಸಿ, ಜೀರ್ಣಕ್ರಿಯೆಯನ್ನು ವೃದ್ದಿಸಿ ದೇಹದ ತೂಕವನ್ನು ಕಡಿಮೆ ಮಾಡುತ್ತದೆ.ತೆಂಗಿನ ಎಣ್ಣೆಯಲ್ಲಿ ಎಂಸಿಟಿಯು ಹೆಚ್ಚಾಗಿದ್ದು ದೇಹದಲ್ಲಿ ಕೊಬ್ಬು ಕರಗಲು ಸಹಾಯ ಮಾಡುತ್ತದೆ.ಇದರಲ್ಲಿ ಕಡಿಮೆ ಕ್ಯಾಲೋರಿ ಇದೆ.ಜಗತ್ತಿನಲ್ಲೆ ಅತೀ ಕಡಿಮೆ ಕ್ಯಾಲೋರಿ ಹೊಂದಿರುವ ಉತ್ಪನ್ನವೆಂದರೆ ತೆಂಗಿನ ಎಣ್ಣೆ ಮಾತ್ರ.

ಕೋಮಲ ತ್ವಚೆ
ನಿಮ್ಮದು ಒಣ ಚರ್ಮವಾಗಿದ್ದರೆ ಪ್ರತಿನಿತ್ಯ ಕೊಬ್ಬರಿಎಣ್ಣೆಯನ್ನು ಮುಖಕ್ಕೆ ಹಚ್ಚಿಕೊಂಡು ಮುಖ ತೊಳೆಯಿರಿ.ತಿಂಗಳೊಪ್ಪತ್ತಲ್ಲೆ ನಿಮ್ಮ ಮುಖ ಕಾಂತಿಯಿಂದ ಕೂಡುವುದು. ಸೂರ್ಯನ ಪ್ರಖರ ಕಿರಣಗಳಿಂದ ನಿಮ್ಮ ಚರ್ಮ ಕಾಪಾಡಿಕೊಳ್ಳುವಂತಿದ್ದರೆ ತುಸು ಕೊಬ್ಬರಿ ಎಣ್ಣೆಯನ್ನು ಮೈಗೆ ಹಚ್ಚಿಕೊಂಡು ಹೋಗಿ ನೋಡಿ.

ವಿಧಾನ
ಒಂದು ಚಮಚ ಬ್ರೌನ್ ಶುಗರ್,ಎರಡು ಚಮಚ ತೆಂಗಿನ ಕಾಯಿಯಿಂದ ತೆಗೆದ ಹಾಲು, ಒಂದು ಟೇಬಲ್ ಸ್ಪೂನ್ ಕೊಬ್ಬರಿ ಎಣ್ಣೆ ಇವೆಲ್ಲವನ್ನು ಸೇರಿಸಿ ಕಲೆಸಿ.ಅರ್ಧ ಗಂಟೆ ನೆನೆಯಲು ಬಿಡಿ ನಂತರ ಅದನ್ನು ಸ್ವಚ್ಚಗೊಳಿಸಿದ ಮುಖಕ್ಕೆ ಹಚ್ಚಿ ಮಸಾಜ್ ಮಾಡಿ. ಒಂದು ಗಂಟೆ ಬಳಿಕ ತೊಳೆದುಕೊಳ್ಳಿ.ಮುಖದ ಕಾಂತಿ ಹೆಚ್ಚುವುದು.

ಇದೇ ಪ್ಯಾಕ್‌ಗೆ ಪುದೀನಾ ಎಲೆ, ವಿಳ್ಯದ ಎಲೆ ಸೇರಿಸಿ. ರುಬ್ಬಿ ಕೈ,ಕಾಲುಗಳಿಗೆ ಹಚ್ಚಿಕೊಂಡು ಮಸಾಜ್ ಮಾಡಿ. ಕೈ,ಕಾಲುಗಳಲ್ಲಿ ರಕ್ತಸಂಚಾರ ಹೆಚ್ಚುವುದು. ಕಲೆಗಳು ಮಾಯವಾಗುವವು.

ಮೇಕಪ್ ತೆಗೆಯಲು
ಮೇಕಪ್ ತೆಗೆಯಲು ಕೊಬ್ಬರಿ ಎಣ್ಣೆ ಬಳಸಿ,ಚರ್ಮದ ಸೋಂಕು ಖಾಯಿಲೆಗಳಿಗೂ ಕೊಬ್ಬರಿ ಎಣ್ಣೆ ಉತ್ತಮ ಔಷಧ.

ಕೂದಲ ಆರೈಕೆ
ಭಾರತ ಇತಿಹಾಸದಲ್ಲಿಯೇ ಕೂದಲ ಆರೈಕೆಗೆ ಪ್ರಥಮ ಆದ್ಯತೆ ಕೊಬ್ಬರಿ ಎಣ್ಣೆಗೆ. ಕೂದಲಿನ ಕೋಮಲತೆ ಕಾಪಾಡುವುದು ಮಾತ್ರವಲ್ಲ,ಕೂದಲು ಉದುರುವ ಸಮಸ್ಯೆಗೂ ಇದು ಪರಿಹಾರ.

ಕೂದಲಲ್ಲಿನ ಪ್ರೊಟೀನ್ ನಾಶವಾಗುವುದನ್ನು ತಡೆಗಟ್ಟುವುದು ಮಾತ್ರವಲ್ಲ,ಕೂದಲಿಗೆ ಹೊಸ ಚೈತನ್ಯ ನೀಡುತ್ತದೆ. ಹೆಚ್ಚಾಗಿ ಶಾಂಪೂಗಳಲ್ಲಿ ಮತ್ತು ಕಂಡೀಶನರ್‌ಗಳಲ್ಲಿ ತೆಂಗಿನಎಣ್ಣೆಯನ್ನು ಬಳಸುತ್ತಾರೆ.ತೆಂಗಿನಎಣ್ಣೆಯನ್ನು ಶಾಂಪೂ ಹಚ್ಚುವ ಮುನ್ನ ಅರ್ಧಗಂಟೆಗೂ ಮೊದಲು ತಲೆಯ ಬುಡಕ್ಕೆ ಹಾಗೂ ಕೂದಲಿಗೆ ಹಚ್ಚಿ ನಂತರ ವಾಶ್ ಮಾಡಿ.

ಬುಡಕ್ಕೆ ಮಸಾಜ್
ಉಗುರು ಬೆಚ್ಚಗೆ ಮಾಡಿದ ಎಣ್ಣೆಯನ್ನು ಬುಡದಿಂದ ಹಚ್ಚುತ್ತ ಕೂದಲ ತುದಿಯನ್ನು ಎಣ್ಣೆಯ ಬಟ್ಟಲಲ್ಲಿ ಅದ್ದಿ ತುದಿಯ ವರೆಗೂ ಜಡೆ ಹೆಣೆದು ಮೇಲೆ ಕಟ್ಟಿ ಒಂದು ಗಂಟೆಯ ನಂತರ ಕೂದಲನ್ನು ತೊಳೆದುಕೊಳ್ಳಿ.ಕಾಂತಿಯುಕ್ತ ಕೂದಲಿಗೆ ಕೂಬ್ಬರಿ ಎಣ್ಣೆ ಬಳಸುವುದನ್ನು ಅಭ್ಯಾಸ ಮಾಡಿಕೊಳ್ಳಿ.

LEAVE A REPLY

Please enter your comment!
Please enter your name here